علاء زايد من ديواني

النسناس ******
النسناس
غدار
غدر ب الناس
وكل عشاهم حاف
ولا لاقوا هما
العيش الحاف
وياكل هوا
مشوي وخشاف
النسناس
غدار
غدر ب الناس
لانه لابس تاج
نسي ال محتاج
ولا اختشاش
ب الوعود ما وافاش
ذي الخفاش
النسناس
ف الكدب استاذ
ولا
مسيلمه الكداب
لا خدنا
من وشو حاجه
ولا قفاه
ما شوفناش
غير ان املنا خاب
والحلم مات شباب

لانه
ساكن
في قصره ال فولاز
وعنده كل الملاز
بيكسر
في بيوتنا
وهوا ال قال
ابنوها من ازاز
وياخد من قوتنا
ويدي
النسانيس
ال عليه عزاز
😁
......
علاء زايد
من ديواني