مجرد أسئلة
***
صوت الجوامع نده
جلجل وهز الكون
***
((إنا لله ..... وإنا
إليه راجعون))
***
صوت الجوامع نده
وأنا سامعه بينادي
***
على شخص فات الزمن
وراحل من الوادي
***
صوت الجوامع نده
مين اللي فيها يدوم
***
بيعد ف أهل الشرف
واللي إبنهم مرحوم
***
دكتور وقاضي ومحامي
والعالي والمعلوم
***
اتصفوا ياخدوا العزا
وبإيه يفيد القوم
***
مين بجد انجرح
مين فيهم المهموم
***
دا صوت منادي البلد
كان لسه بينادي
***
وانت وف سكنتك
جوه الكفن هادي
***
وأهو برضه لجلك وصل
اللي انت بتفادي
***
وأول سؤال تسأله
إيه سبته لولادي
***
مين اللي منى ورث
جاهي وعتادي
ومين اللي دام ليهم
***
مين اللي وب دعوته
هيقلل ف أصفادي
وذنوبي يغطيهم
***
مين اللي جه دفنتي
مين عزى أكبادي
وبروحه يفديهم
***
مين اللي نفسه أترحم
وشاف رحمتي فيهم
***
ومين اللي كسل إنه ...
يجي يعزيهم
***
مين اللي بعدي انكسر
ومش قادر يواسيهم
***
ومين اللي يجري بحبايبي
لو جري الألم فيهم
***
مين اللي ساعة الضنا
هيجي يغطيهم
***
مين اللي قلبه إتملى
ومين اللي ميهموش
***
مين اللي قوله إنطلى
وعارف إن ده مغشوش
***
مين اللي بحر الندم
طالهم ولا نضفوش
***
عاشوا في حضن الأسى
وباب المغفره مفروش
***
مين اللي نادم عليه
وف حقي كان قصر
ومين اللي بعد الوفاة
للقله هيكسر
***
مين اللي فات رؤيتي
وعليها بيتحسر
***
مين اللي قال كلمتي
وعاد وزاد فيها
***
مين اللي دلل بها
وف عبره بيحكيها
***
مين بيا قال للزمن
قاسي وملكش أمان
***
مين فيكم لام الحياة
وقال شاريها جبان
***
مين اللي اشترى بكره
وجايز في يوم ميجيش
***
مين اللي يقدر يأكد
مين مننا هيعيش
***
مين اللي فينا إعتبر
من موت عزيز قابله
***
كان من ثواني في طريقه
ووعده هيقابله
***
وفجأه جاله الخبر
وجه عزرائيل قابله
***
يا غافر المعصية
وقت الدعا اهو فات
***
وآدي اللسان إتخرس
وسكات يعبي سكات
خالد موسى السيد
ليست هناك تعليقات:
إرسال تعليق