بقلمى يوسف ونيس مجلع --- مصر

بقلمى يوسف ونيس مجلع-- ايطاليا بريشيا
اصدقائى الاحباء من الشعر الغنائى صورة للوداع بالعامية بعنوان- ودعتك
ودعتك احضان وبوس---------- من غير بكى ودموع
اتارى البكى محبوس----------- اهات ما بين الضلوع
على جرح الروح تدوس ----- ما ترحم جريح موجوع
غريق فى اشجانه يغوص ----- يصرخ و مش مسموع
---------------------------------------------------------
على ايه يا روح الروح---------- تروح وتقسمنا اثنين
فكر قبل ما تروح -------------- احنا مش اى حبيبين
فراقنا مش بس جروح ------ ولا بعد النور عن العين
ولا حتى مرارة بوح ----------- فى شكوى وفى انين
روح من غير روح ------------ هتعيش ازاى ولمين
--------------------------------------------------------
لو ناوى تروح هنروح -------- يمكن فى تنهيدة حنين
فكر قبل ما تروح -------------- احنا مش اى حبيبين
دا احنا الاثنين روح ------- واحدة عايشة فى جسدين
وياروح ما بعدك روح -------- خليك وخلينا عايشين
-------------------------------------------------------
فكر قبل ما تروح ------------- احنا مش اى حبيبين
الجنة بنيناها صروح ------ هتروح فى غمضة عين
فاكرين نقدرعلى النوح ------- ببسمة واحنا مفارقين
اتاريها حلاوة روح --------- بتروح ما بين طريقين
بقلمى يوسف ونيس مجلع --- مصر