احمد طلبه

رسايل مخفيه
الرساله التاسعة
==========
محبوبتي
بعد السلام

بعد الهوي اللي مابين ضلوعي
وأنتي شايفه إنه حرام
بعد اللي بتقوله دموعي
لكن مايوصفهوش كلام 💔
أنا المكتوب علي قلبه
يحب في واحده مايشوفهاش
أنا اللي غريب علي أرضه
وروحه في أرضك انتي طناش
تعبت من وجع روحي
وروحي عشانك انتي بلاش
تعبت يا أغلي من روحي
لكن عنك مابستغناش 💔
ومين في الدنيا دي عندي
ياعمري اغلي لي منك
ياحلمي يا أغلي ماعندي
لا عمري استغني يوم عنك
ولا هقبل تكون لي حياه
وأنتي بعيده مااعرفهاش
وحتي رسالتي ياليلاه
لغيرك أنتي ماكتبهاش
رسايل فيا مخفيه
كتير م الناس مايفهمهاش
لأجمل واحده إنسيه
غرامي عشانها زيه ماجاش
===============
ياست الناس
ياحلم العمر انا باقيلك
وبدعيلك
واغنيلك
وأشكيلك علي حالي
أنا حالي
وحيد في الغربه من غيرك
ومين غيرك هيحلالي
أنا اللي بعيش علي صورتك
وبحكي معاها أسراري
وأنا اللي بقلبي أخترتك
تكوني معايا مشواري
بحبك فوق ماتتصور
قلوب الناس يا اغلي الناس
ولا عنك أنا اتغير
ولا يتبدل الأحساس
ودا اللي انا حسه علشانك
ياريت تبقي انتي بقيالي
أنا الفارس لأحلامك
وأنت كل أحلامي
يا حته في روحي انا حببها
وغيرها في عمري مااتمناش
وبدعي اكون أنا نصيبها
ومن غيرك انا مسواش
ولا هقبل تكون لي حياه
وأنتي بعيده مااعرفهاش
وحتي رسالتي ياليلاه
لغيرك أنتي ماكتبهاش
رسايل فيا مخفيه
كتير م الناس مايفهمهاش
لأجمل واحده إنسيه
غرامي عشانها زيه ماجاش
===============
احمد طلبه