(عبده النجار)

(عابر سبيل)
مسافر وشايل هم الرحله
فوق راسي
جوايا خوف مكتوم
والغربه احساسي
جاهل مصير الفراق
لكني لصحبتي مشتاق
احبابي مع ناسي
وكنت عايش وسطهم
عابر سبيل
وادي الدليل
لا مال ينفع ولا صاحب
ولاحتي دنيا تتصاحب
ولاقتني توهت في رحلتي
وفيها ضلت خطوتي
وقدر بيرسم سكتي
وماليش خليل
عايش وراضي بالقليل
وقسمتي
كتبت عليا المستحيل
فرضت عليا طريق طويل
والكل عايش دنياه عابر سبيل
مين اللي في الدنيا
ماهوش عايش غريب
او مين هيقدر يمنع المكتوب
في علم الغيب
خليك غريب
وحتي لو لك مليون حبيب
برضه غريب
جفف دموعك
وانسي جوغك
دور لالمك عن دوا
سوف لك طبيب
يمكن تلاقي عنده
وصفه تريحك
او تنسي حزن
بيوجعك
أو عيش حياتك بالالام
ولاحتي تشكي بالكلام
ومهما كات الشكوي
ماتغير نصيب
اكتم همومك بالسكوت
ومهما طال العمر بيك
آخرتها موت
يعني انت في الدنيا غريب
والعمر لحظه وينتهي
وشمسك تغيب
ينساك حبيبك والخليل
والدنيا فيها كلنا
عابر سبيل
(عبده النجار)