بوسبولة المحجوب

وامالها صامتة
مال حال هذا سنين تمحن
وامالها صامتة وتمكن
لامعنى تتغنى تزيد تصدح
لاحيلة معاها تزيد تفلح
ياك مسكون وساكنو مغلوب
ماعندو زهر حالو مقلوب
مال الحال امتلف الخطوات
وسفينة لالاخبار مشات
واش جايب حاجة للانسان
واش واش عبيرك وصل لمكان
وحروفك يمكن تغير لحوال
وتوقع لحضور تهدن البال
ياك من المعنى شفنا شلى
مرة مرة مرة تحلى
خليك تكتب لينا قصة
من دموع لمداد بلسم العرصة
اروينا بمحبة لاتنسى
اعطينا بر فين نرسى
ياوردة بعبيرك فوحي
غير رويني تكبر فراحي
امضاء بوسبولة المحجوب