انا نفسي !!
اكلم القمر
واساله.....
مين فات عليك ؟
مين بص لك ؟
وشفت مين عبر
الزمن ؟
ومين اللي عشقك
من غير مايطلب
التمن ؟
انا نفسي!!
اكلم القمر
وأسأله...
ازاى بتكتم فرحتك
وتداري ضيقك؟
وازاي بتعرف
إن كان عدوك
ولا صديقك ؟
انا نفسي !!
اسال..
القمرهو صحيح
قلبك حجر
زي قلوب بعض
البشر ؟
عايزه اساله!!
اول ماشفت حبيبي
حسيت بإيه
وقالك إيه؟
وقيس كمان
كان شكله
إيه؟
بيقولوا ..
عنتر كان
رغاي.
وكثير عزه كان
بكاي.
يا ريت ترد
يا قمر..
نعمه السواح
ليست هناك تعليقات:
إرسال تعليق