شاعر الوجدان الشاعر السكندرى/على الطاووس

أغنية...مش عايزه أنافقك
أنا مش عايزه أنافقك...
و لا أجرح نفسى...
طريقك مش طريقى...
و لاحبك هو حبي...
و لا وجهك بقي ليا...
في الدنيا دليلى...
خلاص من فضلك...
سيبنى بقي و أمشى...
و أنا في دروب الهوا ح أمشي...
حبك مش زى حبى...
و لا قلبك زى قلبى...
أنت شايفنى...
واحده بتتباها بمحاسني...
بس علشان جمالى و مفاتني...
طب ما بكره عينك...
ح تشوف واحده أجمل منى...
و ساعتها راح ح تسيبنى...
و كل ده أنا شيفاه...
و دلوقتي أنا حاساه...
و أنت ماشي كده جانبى...
وأنا حبى ليك...
بيزيد فى جمالى و أنوثتى...
و الفرحه بتطل...
من بين عيونى...
و جفني...
و بترخى ليا رمشى...
و البسمه على طول...
منوره و مرسومه على وشي...
فخرى و أعتزازى بنفسي...
بيخلى الكل يشاورو...
عليا و أنا بمشى...
مش علشان أنا جميله...
لا لا لا يا حبي...
ده علشان أنا واثقه فى نفسي...
و علشان حبك...
فى قلبى مخلينى...
زهره جميله جوا خميله...
و أنت بس عايزنى للزينه...
يبقى طريقك مش طريقى...
أنا عايزه واحد يحبني...
و يشوف من جوايا حاجه جميله...
موجوده فى وجدانى و مشاعرى...
للى ح يخطب ودى...
و أحساسي شايله فيه...
أنا كل أخلاصى و حبى...
و يفهم أنى ح ابقى...
له زوجه أصيله...
و أيدى تطبطب...
على كل جروحه...
لما الزمن و القدر عليه يميلو...
و علشان كده...
أنا مش عايزه أنافقك...
و لا حتي أجرح نفسى...
طريقك مش طريقى...
و لاحبك هو حبي...
و لا وجهك بقي ليا...
في الدنيا دليلى...
خلاص من فضلك...
سيبنى بقي و أمشى...
حبك مش زى حبى...
و لا قلبك زى قلبى...
أه زعلت مني...
علشان انا معاك صريحة...
سيبنى بقي و أمشى...
وأنا في دروب الهوا ح أمشي...
مع تحيات شاعر الوجدان الشاعر السكندرى/على الطاووس 😂