( محمــد عنانى )

أنا حيران
======
حيران أنا حيران
وكمان بقيت تعبان
خايف يجى لى جِنَان
م الفكر والسرحان
فى كلمة اشمِعنَاَ
لفيت انا لفيت
ف الدنيا ما خَليِت
مكتب ولا وزاره
ولا حتى شيخ حاره
ولا لقيت مسؤل
كبير وقد القول
يدينا ليها معنا
ما اعرفش مين قالها
ف عقولنا راح شالها
وبقينا بنقولها
من غير مانِعقلهَا
أكيد واحد متعوس
ممكن يكون منحوس
صعبان عليه حَالُه
أو حتى راح مَالُه
قالها كدا صدفه
عملت لنا أزمه
وبقت كمان لازمه
مين راح يِغَيَرها
ف قاموسنا ويشِيلها
يمكن يروق الحال
وتعود لى راحة البال
ونصيحه للى قال
حياتنا مش أمثال
عاوزين بقى أفعال
إتعَب شويه وكِد
خُد الحياه بالجِد
تبقى َ سعيد فرحان
وتعيش كمان ف أمان
===========
( محمــد عنانى )