بقلمي . الشاعر السوري المهجري د اليان سمعان

....البيت جنة فرح ...............
________________________

جوعت فيي المشاعر وفقدت
الشهية
........... وجايي المسا بالحب تعتب عليي

كلمة وفا منك بترد فيي
الروح
........... بهمسة محبة خود قلبي وعينيي
بلفتت حنانك بتداوي قلب
مجروح
........... من كتر التعب والهم مابنام ليلية
بنقدك الي عاطول مليت قلبي
جروح
............ بتعب ورا الاولاد اطفالك خطية
لاتقول هاملة حالك بيكفي عليي
تنوح
............ قول العوافي يامرا وجبلك هدية
مابعرف الجارة وعالاهل ماعم
روح
............. وعايشة ببيت الفقر واختي بعلية
وصابرة وكل يوم هالعقل
بسروح
............. وعمري مايوم شكيت وعاتبتك شوية
يابنتي
بتتعبو منعرف مابدا حكي
وشروح
............. وهوي بشغلو شقي وتعبان يومية
لاتهملي حالك خلي العطر
يفوح
.............. واسعدي قلبو شوي برقصة وغنية
وانت ياخيي
انسى الشغل انت بالبيت مو
مسموح
.............. شريكة هالعمر بالبيت غنجها شوية
ارجع عابيتك دوم والوجه
مشروح
.............. بلا قتال وغضب مو ناقصة هيي
الحب كتلة مشاعر منعيشها
بالروح
.............. والبيت جنة فرح عامودو الحنية
.......................................................
مسا المحبة والحنان
صباح الفرح والحب
........................................................
هديتي لكثيرين يعيشون هذا الواقع
.........................................................
بقلمي . الشاعر السوري المهجري د اليان سمعان
سفير اكاديمية السلام العالمية كاليفورنيا