(صبري خماري)

( ممنوع الحب)

الفقر و الحب مايتقابلوش

خاطر في هالزمان الدينار هو القاضي

كيف الحي و الميت مايتقارنوش
يا عاشق راك تعشق و تقعد على الفاضي
قداش من عاشق ما قبلوهوش
خاطر الدينار هو القاضي
يا صاح أخطاك ياحسرة على بنات العروش
كيف كان قلب المر ديما راضي
يا عاشق ماتغرقش كيفي في بحر إلي مايصفوش
يجرالك ماجرالي تقعد تتحسر على الماضي
الفقر و الحب مايتقابلوش
فيق يا نايم
ماتجريش ورا شبه المستحيل
الحب صار سلعة في يدين البهايم
و إنت تحلم بالخيال في آخر الليل
آش بيه يا صاحبي هايم
قتلك مايقبلوكش مالك قليل
(صبري خماري)
شاعر الوسلاتية