احمد طلبه

الوداع
هي باعت
يبقي بيعها
أوعي تزعل يوم ودعها
فضل ربك كان كريم
إنه نجدك من خدعها

أوعي تزعل
هي عنك مش هتسأل
فاوعي أنت عليها تسأل
أو في يوم تحلم رجوعها
ليه حنَين
ليه بتكتم فيك وجعها وهي مش بتحس بيك
داانت ماشوفتش دموعها أو في يوم قلقت عليك
كنت ساكت
كنت شايف فيها حلمك حاجه غاليه جوه دمك
كنت كاتم جوه منك. خوف ماتبقاش هي ليك
بردو ماحستش بيك
مهما هتشكك عيونك هي صدمت فيك ظنونك
والصراحة إن عيوبك حب واحده تهد فيك
نقطه الضعف اللي فيك
نقطه سودا تحب حد يبع مشاعرك بالتراب
لما يبقي الغدر جد وانت ماعملتش حساب
إن يوم هتعيش وقلبك يندبح من حبه دبح
حاجه صعبه حته منك سيرته يوم تقلب بجرح
وانت طيب
ياللي لسه بجد شاري قلب عمري ما كان شاريك
ياللي متباع من قريب من شريكه عمر ليك
ليه بتكتم فيك وجعها وهي مش بتحس بيك
داانت ماشوفتش دموعها أو في يوم قلقت عليك
أيوه حاسس بيك لأنك كنت عايش بس ليها
هي كانت غاليه عندك وانت كنت رخيص عليها
مهما كنت كتير شاريها
حتي لوزعلان عليها هي صبحت من ماضيك
بس أعرف إن يوم ربي هيعوض عليك
ليه بتكتم فيك وجعها وهي مش بتحس بيك
داانت ماشوفتش دموعها أو في يوم قلقت عليك
=======================
احمد طلبه