احمد عبدالحق

نفس الوجع
نفس الداء
نفس الجرح
تفرق ايه
كونها رصاصه
تفرق ايه شنق ودبح
هي خيانه
بس امانه
المره دي ونعم الجرح
جرح مضاعف
كله مشاعر
كله حنان
تفرق ايه هي الاحزان
والله مش محتاجه شرح
رقه بتدبح
ورقه بصوت
وبرضو ممكن تبقي
تموت بسكوت
وممكن تلبس الف قناع
الف باروكه تزين بيها
الشعرالابيض
الف طريقه تجرح بيها
في الاخراصلك بياع
هي المركبه تقدر تمشي
مكسوره شراع
ولا الضلمه هتيجي في يوم
وتحب شعاع
نفس الداء ونفس الجرح
بس ده اصعب
لما الجرح بعد ما يدمل
تاني بيرجع
لو في الاول جرحك عادي
تاني مره المك بيوجع
جرح بجرح
ودمع بيجر الدمع
هو اخرتك دمعك ايه
هو بعد الموت وحسابه
حاجه بتنفع
نفس الداء
نفس الجرح
هي معادله لكن صاعبه
ابقي بحبك
وانت في الاخرتخدع
اشفيك من كل الاوجاع
وانت بطيبه
حاجه غريبه
ولا بتشوف
ولا مره بتحاول تسمع
جرب يلا ودوق الجرح
يمكن ..جايز
يمكن بعد ماتندم ترجع
احمد عبدالحق