#_علي عرابي

(بلادي) #_بالعامية
في كل ببت اسمك لازم يكون موجود
في كل بلد اسمك في التاريخ محفور
علي كل حيطة صورةلجمال والسادات واقفين
في كل راديو حكاية عن (٧٣)
رسم المعابد والقصور وملوك عاشوا تحت التراب سنين
من جنب سور مسجد الحاكم شايف ناس واقفين
يسألو عن جامع الأزهر والحسين
اصل عمرها قفلت باب في وش حد
ابواب المساجد والكنائس
وبيت عليتنا جمع الاتنين
حاولت افهم كلامك اوتفهم انت كلامي زي الملامح بتبين الكلام
شايف جنب الهرم اتنين بيتصور علي شمالهم بياع فصوص
فص ازرق فص احمر او اخضر ماهي الفصوص الوان
بيتكلم فرنساوي وروسي وايطالياني وشويه صيني كمان
شايف زحمه مجدك وحضارة وتاريخ
من كل كتاب رسالة عن مصر واهلها وحب السلام
زي ما ربنا قال بلد الامن والامان
هحكي عن اعدة النيل وحكاويها ولا واقفه الميدان واللي مات فيها
خالد سعيد وجيكا واللي مش همو ومن الموت مش خايف
ولا الدم اللي علي الارض سايل
ماكنش حقهم يغسلوك انت من الشهادة طاير
طاير حزين علي حقو اللي ضايع
من كام كتاب شالو اسمك وانت تتكتب عنك داووين
كأني أنا المجروح في حبك بات الخرطوش في دمي
وانا مرمي في اوضة ضالمة وكل اللي حاولية ميعرفونيش
من زاوية جنب جامع كبير لقيت الهدوء ماليني
وماشي وانا فرحان وسامع صوت يناديني
خالني اقف دا صوت اخويا اللي مات
صوت صاحبي اللي عاش في عذاب
والله مش عارف ابكي عليها ولا امشي بس على فين هروح
#_علي عرابي