خالد المنصوري

عشانك اكون

عشان في الدنيا مجرد ضيف
احب اكون عليكي خفيف
لا هقبل أن انا اضايقك
ولا ربيعك ده يبقا خريف

عشان مش جاي غير ليكي
اكون جنبك و حواليكي
بكل مشاعري اعيش شايفك
ولا اسمح حد يأذيكي
عشان حبي ده مش ذنبك
ومش مقسوم أنا لقلبك
برغم ده كله اكون ساندك
ولا لحزنك اكون سايبك
عشان تفتكري لما أرحل
عليكي ازاي انا بسأل
ورغم البعد مش ناسيك
و أكون للذكرى انا الاأجمل
عشان في الدنيا مجرد ضيف
احب اكون عليكي خفيف
لا هقبل أن انا اضايقك
ولا ربيعك ده يبقا خريف
خالد المنصوري