أحمد طلبه

إسمعيني
=========
إسمعيني وافهميني. واعرفي ايه الحكايه
إللي بينك أه وبيني. حب طاهر م البدايه

واللي قالت إني خنتك
قصدها جرحي وهزمتك
لكن والله صنتك
من البدايه وللنهايه
إسمعيني وافهميني. واعرفي ايه الحكايه
===============
إللي قالت إني خنتك
قصدها كدب وخداع
لجل تبقي فيا صورتك
حب يبقي في الضياع
والمشاعر اللي تصونيها. تبقي كدبه تصوريها
وتبقي هي في الحقيقه. الوفيه في الوداع
إوعي مره تصدقيها
إن تقول إنك ضحيه
كل إحساس روحها فيها
حب عشق ليها هي
وان تقولك إني خنتك
قصدها جرحي وهزمتك
لكن والله صنتك
م البدايه و للنهايه
إسمعيني وافهميني
وتعرفي إيه الحكاية
===============
مين غيرك بعشقه
وقلبي دايما مصدقه
اَي شيء راح تطلبيه
ليكي يا عمري احققه
واللي قالت عن خيانتي. قوللها فين دليل خيانتي
فاسمعيني.يا حبيبتي. الوهم اوعي نصدقه
دا اللي بيني وبينك انتي
روح حياه وانتي معايا
ربي يعلم يا حبيبتي
بكل احساس عاش جوايا
واللي قالت إني خنتك
قصدها جرحي وهزمتك
لكن والله صنتك
من البدايه وللنهايه
إسمعيني وافهميني. واعرفي ايه الحكايه
=============
أحمد طلبه