الأحد، 20 يناير 2019

بقلم أ /عبد الرحمن فتحي الحناوي .

- ( لما تلاقي ) .
بشعر العامية المصرية .
-----------------------------
لما تشوه صورة صاحبك عند اسيادك أو تاج راسك *
يبقى دا إيه .. يبقى اسمه خيانه **
لما تميل ناحية ظالم أو تتورط انتا وناسك *
يبقى دا إيه .. يبقى اسمه إدانه **
لما تخوف شخص مسالم مرعوب جدا من أنفاسك *
يبقى دا إيه .. يبقى اسمه إهانه **
**** **** **** **** **** ****
لما تقول للحق بشده وطي صوتك وبلاش حدة *
يبقى دا إيه .. يبقى استبداد **
لما تسيب الباغي يبرطع والفاسد ماشي بيتنطع *
يبقى دا إيه .. يبقى استعباد **
لما تلاقي الخير اتأخر والفقرا حالها بيتوتر *
يبقى دا إيه .. يبقى استكراد **
**** **** **** **** **** ****
لما تحس بنور الفجر يصحي كل الدنيا معاه *
يبقى دا إيه .. يبقى الحرية **
لما تحس بضوء الشمس جايب أحلى هدية معاه *
يبقى دا إيه .. يبقى الأمنيه **
لما تبص تلاقي النفس زايل منها الخوف وأساه *
يبقى دا إيه .. يبقى الحنيه **
**** **** **** **** **** ****
بقلم أ /عبد الرحمن فتحي الحناوي .
من مصر .
كتبت يوم الجمعة الموافق ١٧ من يناير سنة 2019
في

ليست هناك تعليقات:

إرسال تعليق

الاشتراك في: تعليقات الرسالة (Atom)

عزه عدلي

# مصريه مصريه انا وبعشق سمار النيل اصل سماري بلون نهرها يشهد لكل جيل والنيل يعني نيله اللى مصنوع من الطينه فانا معجونه بيطينها منذ...