بقلم..مرقص اقلاديوس

تعالوا نتصافح
بقلم..مرقص اقلاديوس
.........
سلام سلام ..
سلام سلام..
يا سلام لو كل الأيادى تتصافح.
بيض و صفر.
حمر و سمر.
يا سلام لو كل القلوب
يعشش جواها الود
و لو كل العقول تنور
و تلغى العند.
اللى عامل بينها
و بين طرق الأخرين سد.
و لو كل العيون اترفعت لفوق
تطلب من ربنا
يملا الأرض حب
و مافيش حد يكره حد.
و لو كل الألسنة
عشقت الكلمة الطيبة.
و بقت الكلمة الطيبة
للكلمة الطيبة رد.
و لو كل الاقدام سعت فى الخير
و بقى الخير مالوش جزر
و كله مد.

سامع واحد بيقوللى
يا عمنا قلت ستة لو.
و لو واحدة
حرف شعلقة فى الجو.
طب إيه رأيكم نتلم كلنا.
و نرفع ايدينا لفوق مع بعضنا.
نشد كل لو مششعلقة.
ننزلها عندنا.
نخبيها فى قلبنا.
طب جربوا
أنا واثق إنها هتطرح فرح
ملاح بحور الحكمة
مرقص اقلاديوس