« حرام عليكي »
===========
حرام عليكي طب أروح منك فين
كنتي معايا في الحلم لسة من دقيقتين
وصحيت على صوتك الحلو الرخيم
رحت أغسل وشي في المرايا
لقيت وشك ووشي إحنا الإتنين
جيت انشف بالفوطة لقيت إيديكي
بتتمد قبل ايديي الإتنين
خدت بعضي وهربت منك
ولبست نضارتي السودة لاجل ما أشوفك
تصوري لقيتك جوا العين
سديت وداني هما الإتنين
علشان مسمعش صوتك فيهم
لقيت رنين صوتك هيخرم الطبلتين
قلت خلاص يا واد فكر في حاجة تانية
تشغلك وبالطريقة دي تبقى نجيت
لقيتك شاغلة كل تفكيري
ومش سايبه فيه مكان للغير
قلت طب أعمل ايه معاكي
لازم ادوس على قلبي وارتاح
واطلعك منه يا نور العين
حاولت..لقيتك انتي النبض إللي بيحييه
آه...مفيش غير طريقة واحدة باقية
علشان أتخلص من طيفك الغلس الجميل
قلت اتوضا وأصلي واستعيذ بالله
من الشيطان الرجيم
واخشع لربنا في صلاتي واستقيم
لقيتني بصلي في محرابك
وانتي إللي على الشمال واليمين
مش سيباني في حالي حتى في صلاتي
قلت يا رحمن يا رحيم
إنتي انس ولا جن لبستيني
ودخلتي جوايا دخول متين
ومش راضية تطلعي خالص
مهما استعنت بالآخرين ومنهم الدجالين
فوضت أمري لله وهو القادر الحكيم
حرام...حرام....عليكي
===========
حرام عليكي طب أروح منك فين
كنتي معايا في الحلم لسة من دقيقتين
وصحيت على صوتك الحلو الرخيم
رحت أغسل وشي في المرايا
لقيت وشك ووشي إحنا الإتنين
جيت انشف بالفوطة لقيت إيديكي
بتتمد قبل ايديي الإتنين
خدت بعضي وهربت منك
ولبست نضارتي السودة لاجل ما أشوفك
تصوري لقيتك جوا العين
سديت وداني هما الإتنين
علشان مسمعش صوتك فيهم
لقيت رنين صوتك هيخرم الطبلتين
قلت خلاص يا واد فكر في حاجة تانية
تشغلك وبالطريقة دي تبقى نجيت
لقيتك شاغلة كل تفكيري
ومش سايبه فيه مكان للغير
قلت طب أعمل ايه معاكي
لازم ادوس على قلبي وارتاح
واطلعك منه يا نور العين
حاولت..لقيتك انتي النبض إللي بيحييه
آه...مفيش غير طريقة واحدة باقية
علشان أتخلص من طيفك الغلس الجميل
قلت اتوضا وأصلي واستعيذ بالله
من الشيطان الرجيم
واخشع لربنا في صلاتي واستقيم
لقيتني بصلي في محرابك
وانتي إللي على الشمال واليمين
مش سيباني في حالي حتى في صلاتي
قلت يا رحمن يا رحيم
إنتي انس ولا جن لبستيني
ودخلتي جوايا دخول متين
ومش راضية تطلعي خالص
مهما استعنت بالآخرين ومنهم الدجالين
فوضت أمري لله وهو القادر الحكيم
حرام...حرام....عليكي
ليست هناك تعليقات:
إرسال تعليق