بقلم عبير جلال

بقلم عبير جلال،،،15-11
تعرف ياحبيبي،،،،
تعرف ياحبيبي أنا نفسي في أيه
ن فسي أعيش معاك
نفسي في بيت يجمعني بيك
تكون صحبي وحبيبي
تكون ضلي لما الشمس تحرقني
نفسي تكون ضلي في موجه حر
تكون النسمه في يوم صعب
تكون الإبتسامه اللي على شفايفي
تكون انت الشجرة اللي بتظلل
على روحي
تكون انت الحضن اللي باهرب فيه من زمني
تعرف نفسي اقضي
معاك ايام الباقيه من عمري
تكون جاري وصحبي وصديقي
تكون قمري اللي بتنور دربي
تكون النجمه اللي بترشدني
في ليلي
تكون الشمس اللي بتدفيني
من بردي،
عارف انا نفسي في ايه
تكون اخوي وابوي وامي
تكون سندي وعكازي في كبري
نفسي تكون ضحكة قلبي
وروحي اللي بترفرف في صدري
تعرف أنا نفسي في أيه
يكون اسمك هو اسمي
وملامحك هي ملامحي
عارف اأنا نفسي في أيه
تكون صورتك اخر صورة
في عيوني واخر اسم
انطقه بلساني واخر دقة يدقها قلبي
و لماتغمض عيوني
ولما أفارق دنيتي
يكون حضنك قبري
ورموشك كفني،
بقلم عبير جلال. 11-15