أحمد⁦❣️⁩سليم

اكتب ايه قولولى عليه
راحت فين افكارى ياناس
يمكن تاهت وسط الزحمه
وسط قلوب موتت الرحمه
فضلت تضرب ف الغلبان
وتزود فى همومه كمان
كان ناقص هو زيادتكم
طول عمره فيها متهان
حصره عليك ياللى بتشقى
واكل حقك ناس تانين
هما ياكلو هبر اللحمه
وولادك بايتين جعانين
هما بيبنوا فلل وقصور
وانت تنام ف عشش بالطين
هما يعيشو وياكلو ف خيرها
وانتو تعيشو مراركو سنين
هما دايما ليهم الهيبه
وانتو الخيبه مادام ساكتين
هما الصفوة واهل الحفوة
وانتو ياعينى أصحاب الحفله
بس الطرطه للغاليين
وياعينى عليكو يامساكين

أحمد⁦❣️⁩سليم