(بقلمي:عبدالصبورعليان)

دموعك ماس
.........................................................................
دموعك ماس
بيشكي مرها لخدك
ويحكي صبرها ع الناس
وتدفن حزنها فقلبك
وقلبك راضي بالاحساس
بان الدنيا مش بختك
ومين قدك
دموعك ماس
بتنثر فالحواري در
وايدك ضله بتلطف
لهيب الحر
وثغرك لما يتبسم
يشوفه كل تايه بر
دموعك ماس
بتحفر لكل ظالم قبر
بتلعن كل اسم اتغر
دموعك.ماس
بنتعلم من نداها الصبر
بنتألم علي نزولها
وتصرخ كلمه جوانا وبنقولها
هييجي النصر
وتطرح دمعتك شمعه
فليالي القهر
دموعك ماس
سواء كنتي سوريه
او كنتي ليبيه
او كنتي من شوارع مصر
(بقلمي:عبدالصبورعليان)