* ((**صدمتى فيك**))
** ** ** **
صدمتى فيك ماتتوصفش
وإن حبيت أوصف لك
شعورى ماهقدرش
أصلك كنت عندى دنيا
جميله أوى مانكرش
** ** ** **
ممكن تقول لى شايفنى ازاى
دنا كنت غنوه وانت الناى
نعزف نغنى أجمل موال
وف بعدى عنك تفارقنى
الروح ماترجعش
** ** ** **
إلا أما ترجع ليا تانى
تختفى جميع أحزانى
واقول رضى عنى زمانى
طول منتا جمبى مبقلقش
** ** ** **
بكلمه هديت كل اللى بنا
وقت ماكنت معاك فى الجنه
دنا معاك كنت أتمنى
الوقت يقف ومايخلصش
** ** ** **
بددت ليه كل الأمانى
، واتبدلت بأحزانى
مشى الفرح مارجع تانى
طلعت معاك مافرقش
** ** ** **
ااااااه ع الوجع اللى فيا
سكن روحى وبان فى عنيه
راح الود والحنيه
بتمنى أموت ومارجعش
** ** ** **
كرهت روحى حتى الناس
موت فيا أجمل إحساس
وعلى كل شئ بقى ينداس
البركه فيك ماتفرحش
** ** ** **
أكيد هيجى يوم.
عند ربك أكيد معلوم
والظالم يكون مظلوم
مش هتفضل كدا على طول
تظلم وماتنظلمش
** ** ** **
كلماتى
فاطمه عبد الشافى
ليست هناك تعليقات:
إرسال تعليق