احمد طلبه

أهتمام
=========
لما أقول خايف عليكي
عمر خوفي ماكان حرام

بس حق حبي ليكي
يبقي عايز أهتمام
مش مجرد حلم عادي
دا اللي بيني وبينك أنتي
حاجه اكبر م الكلام
مش حرام
بس ليه بتبقي أنتي قاسيه
وترضي ابقي بحزني دافن
فيا خوف زي النعام
مش تمام
الف مره قولتلك
وحلفتلك
واحدك أنتي ساكنا فيا
هي دي كل القضية
وهو دا مسك الختام
مش سلام
وقت زعلك
وقت لما يبان لي دمعك
ببقي ساكت ببقي سامعك
ببقي رافض للخصام
مش بنام
ولا احس بمعني راحه
هي دي كل الصراحه
أنتي أغلي من حياتي
واغلي من معني الغرام
فاهمه يابنت الكرام
إني شاري وعمري ماهتخلي عنك
دانا منك
غالي عندك
وعد مني أكون بقربك
بحتوائي وباهتمام
=============
احمد طلبه