الشاعر /عزالدين جبريل

المخدرات
فيه منها كيميا
ومنها كمان نبات
وعندنا تصنيع
وكله بيضيع فلوس
ويخلى العقول تتوه
ده كلامى واعقلوة
جالى صاحب لى ساحب
قالى اقعد وسط الرجال
وانسى همك والعيال
قلت اشوف واجرب
ولع سجارة ومنى قرب
قلى يسعد مساك
شد واحبس نفس
يتوه وشك من قفاك
سمعت الكلام وشديت
وفى الشد اتماديت
معرفتش طريق البيت
وتهت وتاهت دنيتى
ونسيت مشاكلى وبلوتى
كل يوم ابيع حاجه
مره شاشه ومره تلاجه
بعت العفش ورهنت الفرش
وضاعت عيالى ومراتى
واتغيرت م الشرب حياتى
نوم طول النهار والليل سهر
ولما فقت لنفسى يوم
لقيتهم بيعونى كل حاجه
ضحكو على الغجر
الدم فى راسى انفجر
قلت اروح اخد حقى
لمو صبيانهم على
واضرب ويا داهيه دقى
ضربت لكنى انضربت
وفى المستشفى فقت
لقيت دماغى تقيل
ومتعلقه خراطيم ومحاليل
ورجلى مش قادرة تشيل
ولما سألت قالو
دى مركز علاج للادمان
انت مالكش امان
كل ده من سجارة صاحبى
وسحبتين دخان
الشاعر /عزالدين جبريل