(عبده النجار)

فوقي يا مصر يابلدنا ماتقلقيش
كل اولادك معاكي ماتخافيش
ايدنا في ايديكي
يانبع من حنين
مهما غدرو بيكي
خونه غدارين
يشهد التاريخ عليكي
من سنين
اطمني وماتقلقيش
دم شهدائك في دمي
ماتخافيش ابدا يا امي
لو بعدنا مره عنك
راح نجيلك
انتي ماوانا ووطنا
واحنا جيلك
لو عطشنا محبه
تروينا بنيلك
كل مجروح او شهيد
ضحي بكيانه عشانك
كله ليكي مش جديد
والجحود لو حد خانك
دمنا لاجلك يهون
والخلود يبقي لكيانك
اطمني ولا تقلقيش
والشهيد دمه عشانك
(عبده النجار)