/ علي فراج /

شقع بقع
البير دا غويط
دمه نقع
بدم البراغيت
جوعه وشبع
مكار وحويط
نجمه سطع
بين المساخيط
لكنه زرع
ف الغابه عبيط
شقع بقع
قحف القراميط .....
الفرن بلدى
والخبز بلدي
شوف آل جنبك
مقاسه عدلي
ولا آل جنبي
كان ذنبه ذنبي
يوم ماسبني
ولا بتش عندي
حرامي الغيط ....
الزرع أصفر ومشفر
طور السواقي بيشخر
والعمدة لسه بيتمنظر
يتباهي بالبحر الأخضر
أصل الجدع
كان فاكره محيط ....
الدنيا أصلها دواره
بتلف من حاره لحاره
من غير علامه وأماره
إن كنت لسه مش عارف
عندك هناك ميت جاره
ياما عاشوا الصرع
في حرب الوطاويط .....
... ... ... ... ... ....
/ علي فراج /