أحمد سليم

حاجه تغيظ
عم قناوى
كان دايما غاوى للفن
وكان يكتب فيه غناوى
لحد فى يوم
امير كان غاوى
جمب الملك ياخد شهره
إنه كمان كاتب لغناوى
بعت أصحابنا لعم قناوى
قاله الكلمه لينا ياصاحبى
هنسميها مالكا قلبى
وهاكتب اسمى واسمك جمبى
بس انت ارضى ياعم قناوى
وعم قناوى على اد الحال
ام وافق علطول فى الحال
خد قرشين وباع الغنوة
لأميرنا ابو السلطه الحلوه
راح غناها حليمو حبيبنا
وذاعوها ياناس أصحابنا
من غير اسم عم قناوى
عم قناوى سمعها اتجنن
راح يشكى قالولو يحنن
راح لحليم لحد البيت
وليلاتى ينام جمب الحيط
إن حليمنا قلبه يرق
لأ سابه اتنطط تنطيط
فضل الراجل يجرى بحقه
ويقول اشكى حالى لمين
راح رافع لقضائنا قضيه
واستنى الحكم شويه
ملحقش ومات من الحصره
وكسبها سنة الفين
فاهمين يارب تكونو فاهمين
اوعو فى يوم تبيعو الكلمه
مهما أن كات حالتكم طين
ترجعو تشكو على حقوقكم
والحكم بعد الألفين
طبعا عارفين اميرنا دا مين
كان راجل حلو عزيز
كان فيصل ابن عبد العزيز
ضحك ع الراجل
وأكله حب العزيز
بالزمة مش حاجه تغيظ

أحمد سليم