(صبري خماري شاعر الوسلاتية)

( دموع الفقر)

جات القراية
و جات معاها أتعس قصة
ناس فارحة من غير درايا
و تلميذ محروم يبكي بالغصة
صحابو راجعين بالألوان و الهدايا٠
و هو خايف لا يضحكو عليه زملائو في الحصة

صغير و وجهو بكلو تجاعيد
يقرى أربعة نفس الطبلية ديما
أصحابو يضحكو و هو ماهوش سعيد
حتى المحفظة شوالق قديمة
لا عمرو شرا صباط جديد
و أندادو ماعملولوش قيما
فقر حكم و كابس
و المحروم محروم
صار الفقير كالعود اليابس
يخزر مصدوم
مادام الناس يقيسو الراجل بالملابس
يقعد الحظ مشوم
أصحابو يجرو و يلعبو و هو تحت الحيط خايف حابس
معاك ربي يا محروم
(صبري خماري شاعر الوسلاتية)