( باباك)
إذا تفرهدت أحوالك
و مهما عطيت لبوك
راو يبقا يسالك
نهار الولادة متاعك
مصاريف زرقا دفعها باباك على جالك
لاباس هو القديم
و إنت ثيابك جديدك من صباطك لسروالك
هو صعيبة أوضاعو
باش إنت تتباهى بخيالك
هز الحجر فوق أكتافو و تجرحت أصباعو
صحتو ليك إنت هداهالك
سنين عمرو ضاعو
باش إنت ماتحط شي في بالك
هم الدنيا و العيشة المرة تحامو في فراعو
و إنت تصرف و تاكل متفرهد حالك
التجاعيد في وجهو و التخمامو بأنواعو
حياتو مشات بين المهالك
و كيف تغلط يا ولد باباك يبكي و يقول عيالي ضاعو
و مايفرح كان ماتاكل إنت و تتفرهد أحوالك
(صبري خماري)
شاعر الوسلاتية
ليست هناك تعليقات:
إرسال تعليق