الزجل الساخر / المدرس والدروس
كلمات /ناصر طاهر أحمد
★★★★★★★
★قالوا وزيرنا كبير
العيلة
★نفسي يقدر بقى
للشيلة
★المنظومة ياناس
خربانة
★خلت كل الناس
تعبانة
★شوفنا الجحش مع
البرسيم
★زي الطالب فى
التعليم
★المدارس بزرميط والمناهج
للعبيط
★خلو حياتنا ياناس
شخابيط
★والمدرس والدروس فى البيوت عاملين
كابوس
★جرعة جامدة لكل عيلة والعلاج أكبر
لبوس
★والعيال جوه المدارس زحمة لشوية
جاموس
★نظرة يااهل النظام للعلام كل
أحترام
★ده المدرس قال
رسول
★أحترامه ده له
أصول
★أوعى تقول لي حرامى ف
يوم
★ده أنت كبيرنا ومن غير
لوم
★أصل حقيقى ومش
معقول
★لما يكون بياع
للفول
★ولا يلف ياناس ف
بيوت
★تبقى كرامته ف قلب
تبوت
★عدل حاله ف قلب
مكانه
★يبقى منور كده ف
زمانه
★حاسب بقى وبقبضة
حديد
★تلقى الشرح جميل
ومفيد
★واللي يخالفك الف
سلامة
★يبقى ف بيته لبس له
بيجامة
ليست هناك تعليقات:
إرسال تعليق