قصيدة / ارجعي
_________________
للشاعر المصري / احمد ابراهيم
______________________
ارجعي ده الوقت فات
والسكات اصبح عادات
وانتى لسه ف دنيتك
واقفه بعيد
هل الهلال على طرحتك
والفجر اصبح ضؤ شهيد
ارجعي ده الوقت فات
والوهم راسم ضحكتك
مزروع اهات
ده العيد بعيد واقف جريح
برد الشتا عاصف بريح
برج الحمام مهدود هنا
كل الحمام هاجر بعيد
ارجعي ده الدمع فاض
ارجعي ده الجرح ذاد
ارجعي ده الحزن بات
ارجعي ده الحزن ساكن كل شئ
كاسي السواد على جبهتك
ارجعي وافردي ايديك بحب
ضمي قلبي بكل عشق
واسكنيني واسكنك
مشتاق للحظة مشرقك
مشتاقة أيدي لضمتك
ده البرد ذاد ارجعي
ارجعي تانى فى حضني واسكني
وللغروب ودّعييّ ارجعي
وانسي الدموع
ده الجرح نوع
مالهوش دوا صعب الفراق
صعب اشتياق البعد نار قلبي انكوي
ارجعي ده القلب داء انواع عذاب
قايد شموع وسط الجموع
بحيي الطقوس جوه المعابد
واندهك ارجعي
ده انا بعشقك
فى كل حرف
وع السطور فارش زهور
من بحر عشق
ارجعي طال الغياب
طاااااااااال العذاب
والحلم واقف ع الصخور متشقّين
دمعة عينين ومدمّعين متشوقين
طاااااااااااااالت سنين
وانا قلبي باكي بالدموع
والجرح ساكن ف الضلوع
قلبي الحزين
صارخ بيطلب مشرقك
ارجعي ارجعى ارجعي
___________________
بقلبم الشاعر المصري / احمد ابراهيم
ليست هناك تعليقات:
إرسال تعليق