(صبري خماري)

(يا سعيدة)

إسمها سعيدة

و ماراتش فرح أيام

أندادها عرسو هي مزالت وحيدة
قاتلها التخمام
الأيام معاها بليدة
قليبها مضام
تلوج في الجريدة
على عروض الزواج و الأحلام
تفيق على التنهيدة
وحدها في الدار و بيتها ظلام
سحفتني دموعك يا سعيدة
و بكات عليك الأيام
زهرك مشوم هذي حكاية موش جديدة
صابرة على الهم من غير كلام
حكم عليك الزمان بالتأبيدة
شافوك يتيمة تغامزو عليك أولاد الحرام
يا ناري عليك يا سعيدة
ماريتيش فرح أيام
(صبري خماري)