بقلمي… ابوالوفا…. وفا

للإجار
قلب فاضي للإجار… كلام بجد ومش هزار
التمليك ممنوع نهائي… ولا عقد سوري ولا ابتدائي
التمليك اسلوب جنائي… يعذبك ليله ونهار
قلب فاضي للإجار
مش راح نطلب فيه كتير
شوق وحب وكام دليل
ع الاخلاص والعهد بينا
طول ماعيشه فيه سنينا
وإن ذادت دموع عيونا
يبقي مافيش غير الرحيل

اول بند في عقده ليكي
تخلصيله يعيش شاريكي
والتاني يعشق عينيكي
طول ماعينيك ليه دي دار
والشرط الجزائي ياللي
قولتي قلبك ليا ماللي
لو تعبتيني هاخلي
حبي يتحول لنار
بقلب فاضي للإجار
بقلمي… ابوالوفا…. وفا