الست دي أمي أنا
مفتتح
انا لسه بنت صغيره
وحكايتي برضه قصيره
ولو الزمان يرجع ورا
هقوله مش عايزه أتولد
لأني مش عايزه أتجلد
انا لسه بنت صغيره
وحكايتي برضه قصيره
ولو الزمان يرجع ورا
هقوله مش عايزه أتولد
لأني مش عايزه أتجلد
تمهيد
وهقول كمان
أنا شوفت قطة الجيران
والنونوه بتصرخ جنان
لما قرب من ضناها
الواد محمد
وأخته الأصغر إيمان
لما خافت ع الولاد
لما خلوا صراخها زاد
كشرت سنت سنانها
واستعدت للنزال
وابتدى فعلا قتال
أنا شوفت قطة الجيران
والنونوه بتصرخ جنان
لما قرب من ضناها
الواد محمد
وأخته الأصغر إيمان
لما خافت ع الولاد
لما خلوا صراخها زاد
كشرت سنت سنانها
واستعدت للنزال
وابتدى فعلا قتال
البداية
النهارده يامه عيد
بس عندي كان بعيد
إنت فين تعاليلي يامه
ليه ضناكي يكون وحيد
ليه ضناكي يكون شريد
أو مثال للإغتيال
ليه يكون الحظ مال
بس عندي كان بعيد
إنت فين تعاليلي يامه
ليه ضناكي يكون وحيد
ليه ضناكي يكون شريد
أو مثال للإغتيال
ليه يكون الحظ مال
الحكاية
في المدرسه عملوا احتفال
لجل عيد الأم يامه
في الإذاعه الكل قال
إن ليكي أحلى ضمه
وإنك مثال
للعطا ويا الكمال
وإنت الأماني الحلوه جايه
وجايبه وياها الأمال
وإنت عزم وألف همه
وإنت يامه
اللي برضه لشملنا
بالحب لمه
قالوا فيكي كلام كتير
ورددوا وياه أغاني
قالوا قلبك الكبير
واللي فيه صدق الأماني
قالوا إنه مالوش نظير
والمعاني تجيب معاني
قالوا شعر حزين شويه
كاتبه شاعر في الوفاه
لما أمه الغاليه ماتت
والطريق بعديها تاه
قال وصرح إن أمه
هي كات أصل الحياه
حز فيه كلامه جدا
وقفت أصرخ قلت آه
مش عشانه
أو عشانك
لأ عشاني
لأن شطي الموج طواه
هو حزنه لأم ماتت
صحى حزني لأم فاتت
أم سابت قلبها يزرع جفاه
أم سابت غدرها تغيم سماه
أم زرعت جوه قلبي
ألف غصه وألف آه
قولوا عنها
وبصوا ليه
قولوا
وحسوا بيه
لما أمي تكون قويه
وأكتبوا في كارت المعايده
المراره في قلبي سايده
حسره فيها نيران عفيه
أن عمري ملهش ديه
وإن حبي مافهش فايده
وإن أكتم ألف نيه
وإن أخلي شموعي قايده
وإن أقول إنك أبيه
والألام جوايه زايده
وف أسايا الرمز تاه
أمهات العقل خانها
أمهات قتلت حنانها
وبرضه فيه فيهم جناه
لم أم تسيب عيالها
لجل أكذوبة حياه
لما قلب الأم يأسى
لجل نزوه ولجل جاه
لما غدر الدنيا يرعى
لما كرهي يكون نواه
لما أسأل مره نفسى
لما حد يبيع ضناه
يبقا فيه ف الاخره جنه
تحت أقدامه وخطاه
يبقا فيه ف الاخره جنه
أو حتى يستاهل حياه
وهو زارع ألف أنه
وجوه إبنه الحزن غنه
بالمراره وبأساه
لجل عيد الأم يامه
في الإذاعه الكل قال
إن ليكي أحلى ضمه
وإنك مثال
للعطا ويا الكمال
وإنت الأماني الحلوه جايه
وجايبه وياها الأمال
وإنت عزم وألف همه
وإنت يامه
اللي برضه لشملنا
بالحب لمه
قالوا فيكي كلام كتير
ورددوا وياه أغاني
قالوا قلبك الكبير
واللي فيه صدق الأماني
قالوا إنه مالوش نظير
والمعاني تجيب معاني
قالوا شعر حزين شويه
كاتبه شاعر في الوفاه
لما أمه الغاليه ماتت
والطريق بعديها تاه
قال وصرح إن أمه
هي كات أصل الحياه
حز فيه كلامه جدا
وقفت أصرخ قلت آه
مش عشانه
أو عشانك
لأ عشاني
لأن شطي الموج طواه
هو حزنه لأم ماتت
صحى حزني لأم فاتت
أم سابت قلبها يزرع جفاه
أم سابت غدرها تغيم سماه
أم زرعت جوه قلبي
ألف غصه وألف آه
قولوا عنها
وبصوا ليه
قولوا
وحسوا بيه
لما أمي تكون قويه
وأكتبوا في كارت المعايده
المراره في قلبي سايده
حسره فيها نيران عفيه
أن عمري ملهش ديه
وإن حبي مافهش فايده
وإن أكتم ألف نيه
وإن أخلي شموعي قايده
وإن أقول إنك أبيه
والألام جوايه زايده
وف أسايا الرمز تاه
أمهات العقل خانها
أمهات قتلت حنانها
وبرضه فيه فيهم جناه
لم أم تسيب عيالها
لجل أكذوبة حياه
لما قلب الأم يأسى
لجل نزوه ولجل جاه
لما غدر الدنيا يرعى
لما كرهي يكون نواه
لما أسأل مره نفسى
لما حد يبيع ضناه
يبقا فيه ف الاخره جنه
تحت أقدامه وخطاه
يبقا فيه ف الاخره جنه
أو حتى يستاهل حياه
وهو زارع ألف أنه
وجوه إبنه الحزن غنه
بالمراره وبأساه
خالد موسى السيد
ليست هناك تعليقات:
إرسال تعليق