محمد الأشقر

سألني صديق ..ايه مصيري لو أحب؟ فكتبت..
# المصير
تسهر الليل الطويل
وتحسب ان الصحرا نيل
وتسعدك بسمة جميلة
وترضى منها بالقليل

تخاوي نجمه للصباح
وتكتم آهااات النواح
تبتسم للناس وانتا
مكوي قلبك م الجراح
لو يمر طيف حبيب
او يكون منك قريب
رح يئن تمللي قلبك
يبقى عشقك شي صعيب
تنسى ذاتك و حكاياتك
تبقى ليها وذكرياتك
تفتكرها فكل ساعة
وتبقى روحك و لمماتك
اسمها دايما فبالك
رسمها صورة فخيالك
تمشي وسط الزحمة لكن
هيا فينوسة جمالك
لو تغيب عنك يغيب
عقلك ويروح للحبيب
تنتظر وان طال غيابه
يبقى لما يهل عيد
تبقى هيا نور حياتك
تبقى شعرك و رواياتك
تبقى روحك وانتا بيها
عايشلها حتى لمماتك
تبقى ملكة وعليك تغير
وانتا بعيونها الأمير
تملك القلب بكلمة
هوا ده أحلى مصير
*
* محمد الأشقر نادى أدب الأقصر