حبيبتى
...............
حبيبتى ف خدها الياسمين
وعمرى بيجرى ع الخمسين
مشيت ع الشط انا وهيه
حمام غيه وكرش سمين
حبيبتى بتعشق المشاوير
وانا باتعب لو امشى كتير
خرجنا مشينا ف الزحمه
اقول رحمه تقول ياكبير
حبيبتى تشغل التكييف
وانا م السقعه اقول يالطيف
فى عز البرد و تغنى
طب استنى تقول تلطيف
حبيبتى تحط خل وتوم
وانا من معدتى مهموم
فى عيد الحب طبختلى
وندهتلى جريت ع النوم
الشاعر أحمد النجدى
مصر
ليست هناك تعليقات:
إرسال تعليق