بقلم/ الشاعر حاتم صلاح انور

كل يوم

كل يوم الف مرة بموت
واستنى بشوق ساعة ان تفوت
اتمهل وانا ماشى جمبها
اتكلم ينحبس بحلقى الصوت
واستنى من بعدها يوم تانى
واسأل عن قلبها وانا بعانى
نفسى انطق اقولها مرة
كل ساعة تفوت انتى وحشانى
وابات فى المنام تزور احلامى
اصحى تكون طيف ماشى قدامى
اندة لها بكل ما اسامى
امر جمبها بطريق نفسى مانعانى
اصرخ فى روحى وكلىعلى انقسم
صاحية جروحى وعشقى لم ينحسم
لحظة امل تجينى لها ابتسم
فيها صورة لها عابرة تترسم
وانشد لروحى دور وحضور
واندة لذاتى محب جسور
عابربخطاوى محطم سور
اعودتانى جريح مكسور
فكرة كانت عابرة شاردة
اقرب منها اديها وردة
تكون نظراتى ليها ساردة
خوفى لا ترد بنظرة باردة
وتمر اوقاتى كلها وتفوت
اسير نظرات طوينى سكوت
اعانى قهر هوى جبروت
وكل يوم كام مرة بموت
بقلم/ الشاعر حاتم صلاح انور