فينك حبيبى وفين اراضيك
عيونى ياحبيبى بتدور عليك
قلقان وحزين قلبى عليك
صدقنى بحبك وخاف عليك
..... .........
ياحبيبى غيابك وبعدك معذبنى
ليه ياحبيبى من قربك بتحرمنى
أنت كل حياتى وأغلى ماعندى
أرحم عذابى ولوعتى وحزنى
يهون عليك حبيبى حيرتى وألمى
بتقسى ليه عليه أيه ياحبيبى ذنبى
أنت عمرى وحبك ساكن بقلبى
كفايه بعاد تعالى ياحبيبى وارحمنى
................
بغيابك عيونى جافاها النوم
ومفيش بقلبى غير عذاب وهموم
أسف حبيبى ان كنت زعلتك بيوم
مقدرش أعيش حياتى منك محروم
بقلمى/مسعدالمصرى/ ٢٣ /٨ / ٢٠١٧####
ليست هناك تعليقات:
إرسال تعليق