بقلم الشاعر .. محمد البريمى ..

أجمل لحظة ..
أجمل لحظه ف عمرى بعيشها ..
لما بأكون يا حبيبى معاك ..

بأنسى نفسى و روحى ساعتها ..
و أتمنى أموت ف هواك ..
بتنسينى عذاب و هموم .. بتفكرنى بأحلى سنين ..
بعد ما كنت بقضى اليوم .. شوق و سهر و حنين ..
أجمل لحظة ..
ماكنتش أحلم إن أقابلك .. صدفة ما كانت على بالى ..
ما كنتش أحلم إن أحبك .. و ياخدنى الشوق لسهر الليالى ..
بعد ما عمرى عدى و راح .. بعد ما شفت ألام و جراح ..
بعد ما كنت ف يوم سواح .. خلتنى أشوف الدنيا براح ..
أجمل لحظة ..
ما كنتش أفكر أو أتصور .. يجى يوم و أشتاق إليك ..
كنت أتمنى إن أتهنى .. و أنا يا روحى بين إيديك ..
لكن قلبى الحق عليه .. لما حبك من غير ليه ..
و إنت يا روحى فكرك إيه .. بعد ما حطك جوه عنيه
..
أجمل لحظة ..
أجمل لحظة فاتت عليا .. زى إنهارده فاكرها تمام ..
كان قلبك مليان حنية .. و إنت بترمى السلام ..
كانت الفرحة مش سيعانى .. ولا كنت مالك و جدانى ..
بعد ماكنت بعيش وحدانى .. جانى الفرح و سهانى ..
أجمل لحظة ..

بقلم الشاعر .. محمد البريمى ..