أحمد طلبه

حلمي
إحنا ليه في الدنيا
نحلم
حلم لكن مانكملوش
بعد لما إيدينا
ترسم
فرحنا مانحسهوش

فجأه نلقي روحنا تايها
لما حلمنا يتقسم
ولا يعرف حد فينا
من جراحه يبتسم
وكل واحد فينا يبعد
عن حبيبه مايعرفوش
حلم
حلم كان جوه قلبي
كنت بحلم إن اعيش
عمري بهواك
وإني أفضل واقفه جمبك
وابقي غاليه برده عندك
تعرف إني صحيح بحبك
كنت بتمني رضاك
كنت بحلم
تبقي إيدي ويا إيدك
تبقي وياك انت بس
ومش سيباك
وافضل اتنفس بحلمي
إني احسك جوه دمي
كنت اكتر شيء هممني
كنت بتنفس هواك
أيوه حلمي
كنت شايفه بحر صافي
بحر حضنك ليا دافي
لما قولت أوعي
تخافي
طول ماانا عايشه
معاك
واصحي من حلمي لسراب
ليه تكون انت الكداب
انت ماعملتش حساب
واحده كانت شيفاك ملاك
••••••••••••••••••••••••
أنت ليه حسستني
أنا ليك أهم
كنت يوم فوقتني
وتقول دا حلم
خلتني اشوفك انت بس
اللي مهم
والنتيجة صدمتني
و إني مش فارقه معاك
ليه بجد ملكتني بمسكت
إيديا
ليه ماكنتش مره قد
المسؤليه
قولي أحلامك حسبها
ليه عليا
وانت حلمك ليا ضايع
من جواك
قولي إيه ذنبي إني أعيش
في الصدمه ديا
ليه تهز ثقتي بيك
للدرجه ديا
ليه تعيشني معاك
في التمثيليه
حلم منه صحيت لكني
مش لقياك
واصحي من حلمي لسراب
ليه تكون انت الكداب
انت ماعملتش حساب
واحده كانت شيفاك ملاك
••••••••••••••••••••••••
أحمد طلبه