حسني همام

* نور الصباح *
==========
يا نور الصباح هليت
نورت الدنيا كلها
و دخلت كل بيت
أصل أنت نور شديد
وملكش أبدا زي ولا مثيل
مهما اخترعوا من أنوار
هيفضل نورك هو الأكيد
اصلك نور طبيعي
مبتحتجش مننا أبدا
غاز ولا كيروسين
ولا بتكلفنا حاجة خالص
اصلك معجزة من رب العالمين
نعمة من نعم ربنا
الكثيرة علينا
بس احنا نشكر
وهو يزيد
بتيجي وتجيب معاك الخير كله
وبيك بيبتدي يومنا السعيد
ونقوم بكل همة ونشاط
ونرتب كل المواعيد
وكل واحد يروح على شغله
عشان ربنا يرزقه
رزق جديد
ويقدر يوفي مطالب الحياة
أصل مطالبها
كل يوم تزيد
وبتبعث الأمل فينا
وتخليه يتولد من جديد
يا نور الصباح هليت
أهلا أهلا بيك

حسني همام
جمهورية مصر العربية
20/12/2018