زغلول الطواب

حبيبي الغالي
يا غنوه حلوه في موالي
وحياتك عندى ياغالى
كنت محضرلك كلام
حلو كتير يخليك تطير
فوق فوووق في العلالي
والله لسه كان على بالى
بس لما شوفتك
معرفش أيه إللى جرالى
أخدنى سحر عنيك لبعيد
نسانى أسمى والمواعيد
خلانى حاسس بفرحه
وكأن النهارده يوم العيد
وحياتك يا حبيبى عندى
يا أغلى من روحى وقلبى
لما بيكون بينا ميعاد
بسهر الليل بطوله معاك
بخيالي وأحلامي
أحلم بيك واغنى
وأحضرلك في كلام
حلو أوى من قلبي
أذاكره طول الليل
ولما أشوفك معرفش
أيه نساني
ليالي كتير
واحلم بقصص ومواويل
كأني عصفور بيطير
بيحلق في دنيا الشوق
بغرام العاشقين
بس لما بشوفك
معرفش أيه بيجرالى
بياخدنى سحر عنيك
لدنيا غير الدنيا
ولما إيديا تلمس إيديك
قلبى يدق
وأتلخبط في ثانيه
وكل الكلام بيروح
عن بالى
عنيا بس تشوف عنيك
تتكلم
توصفلك حالى وتسلم
وحياتك يا حبيبى
عندى
حبك في قلبي معلم
كلماتي
زغلول الطواب