( محمد عنانى )

ياعَم يا مغرور
========
ياعم يا مغرور
ياللى عايش ف الدور
هو إنت جاى من القمر
ولا نسيت إنك بشر
ليه التكبر والغرور
عمرك م راح تِبقى طاووس
إنت أضعف م الناموس
ودا يبقى ضَعف فى النفوس
نقص الإيمان وزياده يمكن ف الفلوس
أصل الغرور حاجه كده
جوا النفوس مِتأَصَله
وفى القلوب مِتغلغِله
هوا إنت مين والا فين
الغرور دا شىء مُشِين
مَنهِى عنه ف كل مِله وكل دين
إنزل تَوَاضع
يمكن بِعَفوه ربنا يوم يِرفَعَك
نَفسَك وراجع
محبة الناس حاجه ممكن تِنفَعَك
أصلك تُرَاَب
وف يوم لابد رَاجِع للتراب
===============
( محمد عنانى )