كان وخلاص
كل الصراخ والأسى
ميحركوش جثمان
أصله خلاص مات
***
ممدود وراح النفس
وإتلتم البنيان
وسكتت الحكايات
***
لا عاد ملامح زمن
ولا سكه تاني تبان
وإتحددوا الأنات
***
الباقي صرخة ألم
والفرقة والأحزان
ومراجعة اللي فات
***
ماشي في حضن الندم
والحسره والإذعان
جم غربلوا الإساءات
***
دا كل شئ انتهى
ولا كنه لحظه كان
وماعدش فيها آت
***
كل اللي واخده غطا
حتتة قماشه شاش
***
لا فيه لا شال ولا وطا
ولا فيه شيكات ولا كاش
***
وآدي اللي كان وسطنا
وكل اللي كان مبئاش
***
في النعش حطوا الكفن
ولمرقده ماملاش
***
ولا كنه شاف سكته
ولا كنه لحظه عاش
***
واللي إندفن والكفن
وسط التراب ببلاش
***
خالد موسى السيد
ليست هناك تعليقات:
إرسال تعليق