اهداءالي كل قلب حس انه
في حاله حب
---------------------
سألتني يعني ايه حب
يعني ايه كلمه بحبك
يعني ايه نحس من جواناقلب
الحب هو.....
ورده يمكن متغطيه شوك
مرتويه شوق
ساعات يكون لحن ونغم
وساعات كتيرلمسه الم
ولما نحسه لحظه فراق
بنعيشه ونقول لحظه ندم
مع أنه مخلوق بريء
خالي من العيوب
نجرح ونتجرح
اصله قدرمكتوب
وساعة مانحس بمرارة
نعيشه بالمقلوب
العيب جوه الحبايب
جوه النفوس
خايب ياللي تفتكر
ممكن تشتريه بفلوس
الحب نظره طفل
في عيون أمه لمايخاف
وفرحه كفيف بزيادة
لمايحس انه شاف
ورده مع أنها مزرعه بطين
بس ورده
حنان ودفا
لماتبقي العيشه بارده
ولما يقسي حبه الغرام
بيضيع في دمعه علي المخده
نورونار
وناس رايحه تودعك
وناس عايشها انتظار
الحب يااااا علي الحب
ضحكه قمر والليل سواد
طير وكل ماغربوه
يرجع راكب بساط
أصل لو كانوا علموه
مكنش لف كل البلاد
الحب حاله من حروف
من غير كسوف
اه لو عشته جوه نفسك
احلي مافي الحب ديما
انك تحسه بارتقاء
وأنك تمسه باشتياق
ولما تحس في النهايه بنشوته
تعيشه من سكات
احمد عبدالحق
ليست هناك تعليقات:
إرسال تعليق