****** خالد الشرقاوي *******

بشوف حبيبتي في كل العيون صورتك

علي جداران قلبي حبيبتي محفور إسمك

وشوشت الليل والنجوم في السما بحكايتك

ويفرح قلبي لما حد قدامي يجيب سيرتك
معرفتش معني الحب وحلاوته من قبلك
ساكنة احلامي وفي عز النوم بندهلك
بقيتي حبيبتي كل أهلي وبقيت أنا اهلك
وبدعي من قلبي يدوم ف الهوي وصلك
ويفضل حضن قلبي دايما بيتك ومملكتك
وأغير عليكي من القمر لما يشوف خدك
وأخاف عليكي حبيبتي من الهوا لو يقربلك
عيوني ما شافت جمال لا قبلك ولا بعدك
وروحي فرحانة بيكي وقلبي سعيد بحبك
ومفيش حد في رقتك ولا في حنان قلبك
الحنين بعيونك ومفيش أدفي من حضنك
ربنا يخليكي ليا ولا يحرمني من عطفك
انتي ملاك م السما مفيش في الوجود زيك
شافت عيوني كتير ملقتش واحدة تشبهلك
سبحانه من صورك وابدع في رسمك
نفسي كل الدنيا تسمعني لما بقولك بحبك
****** خالد الشرقاوي *******