الشاعر محمود مصطفى

أصيله ( عاميه )
*****
أصيله وأصلك باين من أفعالك معايا
بتديني كل ما عندك من حب
وبتنسي ألمك عشان هنايا
بتعيشيني السعادة
وبتخليني طاير
زي العصفور
فـ سمايا
بتخديني فـ حضنك
وبتلمسيني بـ بنبض قلبك
عشان أحس أني فـ عز صبايا
حبيبتي نفسي أشاركك ذكريات حياتك
حتى لو كانت على حساب شقايا
نفسي أخدك لدنيا كلها أفراح
وأخرجك من ألم ذكرياتك
وأعيشك فـ جنة حبنا
اللى ملوش نهايه .
نفسي أخليكي سعيدة
زي ما بتسعديني
فـ لحظات
لقانا .
صدقيني أنتي أصيله
وأصلك باين
من أفعالك
معايا .
اديني فرصة أخرجك
من ألمك يا عشق
روحي ومنايا .
خليني أسعدك لو بكلمة
أو بنظرة أو بـ بتسامه
ولا بنبضه من قلبي تحسسك
بأنك حياتي اللي راحت
واللي جايا .
خليني أنسيكي الماضي الأليم
وأنا حضنك بـ أحساسي
يا أجمل أنثى أصيلة
بأفعالك معايا .
أصيله وأصلك باين من أفعالك معايا .
الشاعر محمود مصطفى