للشاعر عمر ايمن فتحي عطي

💫للشاعر عمر ايمن فتحي عطي 💫💫

.............................امي حياتي....................................

...................... "الحب الأولاني" .............

أيوه حبيت حد تاني ..
مش علشان قاسي وأناني ..
إنتي ياروحي اللي دوستي كتير عليا..
وعمري ما حسيت بإنك حاسة بيا ..
وكل ما أقولك كفاية. تدوسي تاني ..
فغصب عني . روحت حبيت حد تاني ..
روحت حبيتها وسيبتك ..
بس عمري ما كرهتك ..
حد يكره حضن أمه ؟؟
حد ينسى حلم عمره؟؟
وحتى لو حاولت أنسى بحب تاني ..
هتفضلي على طول حبيبتي..
عشق قلبي الأولاني ..
ماإنتي حب العمر كله ..
وانتي شمسه وإنتي ظله..
وانتي أول فرحتي ..
وانتي بيتي ودنيتي ..
ومهما لفيت في الأماكن إنتي ف الآخر مكاني
فيكي راحتي بعد تعبي وفيك من خوفي أماني
وفي النهاية هاجي أصالحك ..
وارتمي تاني في حضنك ..
وانتظر منك قساوتك ..
وانكوي من نار مشاكلك ..
ولما هتدوسي بهمومك فوق كياني ..
كل اللي هاقوله لسيادتك دوسي تاني ..
دوسي تاني ماإنتي حبي الأولاني ..