وحيد
***********
قالولي زمان بلاش تعشق بقلب ضعيف
بلاش تغرق ف إحساسك وتبقي ظريف
ده موج البحر ليك عالي هتغرق فيه
ولو ع الشط راح تمشي هتبقي كفيف
وأنا مخلوق كما البلبل بحب أطير
أحلق فوق غصون شجرة كإني أمير
وأجاور زهرة منسية كما المفتون
أجمع شعري ومشاعري وأبقي أسير
أتاري الحب مش ليا وليه محروم
وحظي أعيش بحنية ماليها لزوم
يادوب أفضل ف كوخ منسي أقول أشعار
وحتي الشعر فيه بحبي وليه مزعوم
طب أعمل ايه وأنا قلبي أنينه غريب
تملي ياخدني بمتاهتي لبحر مريب
ألاقي نفسي بلا مركب ولا شطآن
ولا مؤنس لأحزاني أو عطف حبيب
حكايتي تملي منسية م لاقي خل
ودايما فرحتي ضايعة سارقها الكل
يا دنيا حرام أنا وحدي ف غربة سير
كتير أحلم أشوف نفسي ف جناين فل ؟
بقلمي / إبراهيم فهمى المحامى
10/1/2018
ليست هناك تعليقات:
إرسال تعليق